What's New

Department and Planning

ग्राम विकास अधिकारी- अरविंद पाटील ग्रांमपंचायत कर्दळ पालघर जिल्हयातील ५६ ग्राम पंचायती ना संत गाडगेबाबा महाराज ग्राम स्वच्छता अभियाना अंतर्गत पुरस्कार मिळाले व ज्या तीन ग्राम पंचायतीचा जिल्हास्तरीय राष्ट्रसंत तुकडोजी महाराज स्वच्छ ग्राम स्पर्धा मध्ये क्रमांक पटकावले त्या सर्व ग्रामपंचायतींची कामगिरी ही कौतूकास्पद असून सर्व लोकप्रतिनिधीना अभिमान वाटावा अशीच आहे. दि २७ जुलै रोजी नियोजन भवन,जिल्हाधिकारी कार्यालय पालघर येथे जिल्हा परिषद पालघरच्या पाणी पुरवठा व स्वच्छता विभागातर्फे जिल्हास्तरीय कार्यक्रम आयोजित करण्यात आला होता पालघर जिल्ह्याचे पालकमंत्री रविंद्र चव्हाण यांनी पुरस्कार प्राप्त ग्रामपंचायतींचे कौतुक केले. ग्राम पंचायतींचे संत गाडगेबाबा ग्राम स्वच्छता अभियान सन २०१८-१९ जिल्हा परिषद गट स्पर्धा व जिल्हास्तरीय बक्षिस वितरण कार्यक्रम जिल्हा नियोजन भवन येथे आयोजित करण्यात आला होता. यामध्ये राष्ट्रसंत तुकडोजी महाराज स्वच्छ ग्राम स्पर्धेत कर्दळ ग्रामपंचायतीला द्वितीय क्रमांकाने पटकावल्याने मा. पालकमंत्री यांच्या हस्ते पारितोषिक देण्यात आले. ज्या पद्धतीने कर्दळ ग्राम पंचायतीने स्वच्छतेचा धडा घराघरात पोचवला व पूर्ण गाव हगणदारमुक्त केले. गावात घनकचरा व सांडपाणी याचे योग्य व्यवस्थापन करून गाव सुंदर व स्वच्छ करून जिल्हात स्वच्छतेचा आदर्श ठेवला.यामुळे जिल्ह्या मध्ये कर्दळ ला द्वितीय स्थान मिळाले. यावेळी कर्दळ चे ग्रामविकास अधिकारी अरविंद पाटील याना तीन लाख रु, व सन्मानचिन्ह याने गौरविण्यात आले.

What's New